ಪ್ರೀತಿಯ ಸಾಲುಗಳು ನಿಮಗಾಗಿ

ಪ್ರೀತಿಯ ಸಾಲುಗಳು ನಿಮಗಾಗಿ

ಉದಯಿಸುವ ಕಾಲಕೆ

ಮೂಡಣದ ಹೊನ್ನ ರಶ್ಮಿಯಂತೆ ರಮ್ಯ ಈ ಪ್ರೀತಿ

ಮುಂಬೆಳಕಿನ ಕಿರಣದಿ ಮಿನುಗೋ

ಮುಂಜಾನೆಯ ಮಂಜು ಈ ಪ್ರೀತಿ

ನಯನದಿ ಅರಳಲು

ಚಂದದಿ ನಗುವ ಸುಮದಂತೆ ಈ ಪ್ರೀತಿ

ಬೆಳಕಾಗಲು ಹೃದಯದಲಿ

ದಿವ್ಯತೆಯ ಪ್ರತಿರೂಪ ಈ ಪ್ರೀತಿ

ಕಾದು ಕಾದು ಬಳಲಿದ ಮನಸಿಗೆ

ಸುಡುವ ವಿರಹದ ತಾಪ ಈ ಪ್ರೀತಿ

ಕಂಡಾ ಕ್ಷಣ ಸಂಭ್ರಮದಿ

ಎದೆಯ ಢಂಗೂರ ಸಾರುವ ಸದ್ದು ಈ ಪ್ರೀತಿ

ಕಣ ಕಣವು ಕಂಪಬೀರೋ ಚಂದನ

ಕಂಪಿನ ಕಂಪನ ಈ ಪ್ರೀತಿ

ಮುನಿದಾಗ ಕೆನ್ನೆಗಳಲ್ಲಿ

ಮುಸ್ಸಂಜೆ ರಂಗಂತೆ ಚೆಂದ ಈ ಪ್ರೀತಿ

ಶ್ರುತಿ ಬೆರೆತರೆ ಹಾಡಂತೆ

ಮಧುರ ಅನುರಾಗ ಈ ಪ್ರೀತಿ

ಮಂದ ಮಾರುತದ ಇರುಳಲಿ

ತಂಪಾದ ಹುಣ್ಣಿಮೆ ಈ ಪ್ರೀತಿ

ನಿದಿರೆ ಸುಳಿಯದ ಘಳಿಗೆ

ಹಂಬಲಿಸಿ ಲಾಲಿಗೆ

ತಾಯಿ ಪ್ರೀತಿ ಕಾಣದ ಮಗುವಂತೆ ಈ ಪ್ರೀತಿ
-- ನಿಮ್ಮ ನಿರ್ಮಲವಾದ ಒನ್ ಸೈಡ್ ಲವ್ !!!

ಏನಂತೀರ ರೈಟಾ......

ಕ್ಲ್ಯಾಪಾ.....