ನೆರಳು

ತಪ್ಪು -ಒಪ್ಪುಗಳ ಜೊತೆಗಿನ ಈ ಬಾಳ ಪಯಣದಲಿ
ತಪ್ಪಿನ ನೆರಳು ಕೆಲವೊಮ್ಮೆ ಕಣ್ಮುಂದೆ
ಕೆಲವೊಮ್ಮೆ ಬೆನ್ನ ಹಿಂದೆ ...
ಅದೇನೇ ಇರಲಿ ಸಾಗಿ ನೀ ನಡೆ ಮುಂದೆ
ಒಪ್ಪಿ ನಿನ್ನ ತಪ್ಪನು ಇಂದೇ
ಬಿಟ್ಟರು ಬಿಡದ ಮಾಯೆ ಇದೇ !!?

ಅಂದು-ಇಂದು

ಅಂದು ತಂಪೆರೆವಮುನ್ನ ಮೋಡಗಳ ಹೊತ್ತೊಯ್ದ ಬಿರುಗಾಳಿ
ಇಂದು ತಂಗಾಳಿಯಾಗಿ ಬಂದಾಗ ಏನ ಹೇಳಲಿ
ಮೊದಲೇ ನಾನಿರುವೆ ಛಳಿಯಲ್ಲಿ
ಬೆಚ್ಚನೆ ಗೂಡಿನ ನಿರೀಕ್ಷೆಯಲಿ !!?

ನೀನೇ ನೀರೆ

ನೀ ಬಂದ ಆ ಸವಿಘಳಿಗೆ
ನನ್ನ ಒಡಲೊಳಗೆ ಮಾಯವಾಯ್ತು ಬೇಗೆ
ಹೊಮ್ಮಿತು ಹರುಷದ ನಗೆ
ಕಾರಣ ನೀನೇ ನೀರೆ !
.
.
.
.
.
ಎಳನೀರೆ....!!

ಮಧುರಾ..

ಮನಸುಗಳ ಮಾತು ಮಧುರಾ.. ಅದರ ಸವಿನೆನಪು ಅಮರ ...
ಅರಳಿದ ನಗುವಿನಷ್ಟೇ ಸುಂದರ ,
ಹೃದಯದೊಳಗೆ ಬೆಳಗಿದಂತೆ ಹುಣ್ಣಿಮೆ ಚಂದಿರ,
ನೆನೆಯಲು ಬೇಸರ ದೂರ ದೂರ.

ಮರೆಯಲಾರೆ ಯಾವತ್ತೂ..

ನಾ ಹೆಗೆಮರೆಯಲಿ ನಿನ್ನ
ಜನುಮ ಕ್ಕೆ ಜೀವ ನೀಡಿದ ದೇವತೆಯನ್ನ
ಮರೆಯಲಾರೆ ಯಾವತ್ತೂ.. ನಿನ್ನ ಮಮತೆಯ ಮುತ್ತು
ನೀನಿತ್ತ ವಾತ್ಸಲ್ಯದ ತುತ್ತು
.
.
.
.
.
ನಾ.. ಅಮ್ಮಾss ಅಂದ ಆಹೊತ್ತು !!!

ಹೆಜ್ಜೆಗುರುತು

ಹೊತ್ತಲ್ಲದ ಹೊತ್ತಲ್ಲಿ ಸದ್ದಿಲ್ಲದೆ ಬಂದು ಹೋಗುವ ಭಾವನೆಗಳ ಹೆಜ್ಜೆಯ ಸದ್ದು ಕೇಳಿಸದು ,
ಕೊನೆಗೆ ಉಳಿವುದು ಮಧುರ ನೆನಪುಗಳ ಹೆಜ್ಜೆಗುರುತು ಮಾತ್ರಾ ....

ಸಾರ್ಥಕಾ ಜೀವನ

ಸೊಗಸು
ಪದಗಳಾದಮೇಲೆ ಭಾವನೆಗಳು,
ನಗೆಯಾದಾಗ ಸಂತೋಷದ ಕ್ಷಣಗಳು ,
ಸಕ್ಕರೆಯಾದಾಗ ಕಬ್ಬಿನಹಾಲು
ಜೇನಾದಾಗ ಹೂವಿನಾ ಹನಿಗಳು ,
ಬಾಳು ಹರುಷದಿ ಹರಿವ ನೀರಾದಾಗ ....
ಆನಂದದ ಕಡಲ ಸೇರಿದಾಗ.




ಸಾರ್ಥಕಾ ಜೀವನ
ಸಾಧನೆ ನೀನಾದಾಗ......!!