ತುಂಟನೋ ಇವ ತುಂಟನೋ

ತುಂಟನೋ ಇವ ತಾಳೆ ಇವನ ಆಟ ತುಂಟನೋ

ಸುಳ್ಳನೋ ಇವ ಹುಸಿ ಮುನಿಸಲು ನಗಿಸೋ ಸುಳ್ಳನೋ

ನಂಟನೋ ಇವ ಜನುಮಕೆ ಅಂಟಿದ ನಂಟನೋ

ಭಂಟನೋ ನಂಬಿದವರ ಕಾವ ಭಂಟನೋ.. "ಪ "

ಹಾಲ ಹಸುಳೆ ಇವನು ಎಳೆಯರೊಳಗೆ ಬಲು ಹಳೆಯನೋ

ಬಾಯೊಳಗೆ ತೋರಿದ ಇಳೆಯನು ಇವ

ಮೊಳಕೆಯಲೇ ತೋರಿದ ಬೆಳೆಯನು

ಕಂದನೋ ಇವ ನಂದನೋ ನಂದದ ಆನಂದ ಈವನೋ. "ತುಂಟನೋ " "೧ "

ಮಳ್ಳನೋ ಮರುಳು ಮಾತಿನ ಮಳ್ಳ ಜಾಣನೋ

ಕಳ್ಳನೋ ಇವ ಮುರಳಿಯ ಮೋಹದಿ ಮನ ಕದಿಯುವನೋ

ಗೆಳೆಯನೋ ಇವ ಗೋಪಿಯರ ಪ್ರಿಯ ಪ್ರಾಣನೋ

ಪುಂಡ ಇವ ಪುಂಡರಿಗೊಡೆಯ ಪುಂಡರೀಕನು "ತುಂಟನೋ " "೨ "

ಕುಟಿಲನೋ ಇವ ಬಯಸನು ಎಂದೂ ಕೇಡನು

ಕಪಟನೋ ಇವ ಕೆಡುಕಿನ ಕಡುವೈರಿಯೋ

ಕೆಡುವರ ಕಾಡುವನು ಬಿಡದೆ ಬೇಡಿದರೆ ಒಲಿವನು

ಕಡು ಕೃಷ್ಣನೋ ಇವ ಬೆಳ್ಳನೆ ಹಾಲಿನ ಮನದವನು..."ತುಂಟನೋ " "೩ "

how is it :)

to be continued ....!!